- 3 -

1290 (25. września) Erfurt.

Rudolf I. Habsburg, król rzymski i niemiecki, potwierdził układ o dziedziczeniu zawarty pomiędzy królem Czech Wacławem II. Przemyślidą a wrocławskim księciem Henrykiem IV. Probusem.

— Rudolfus dei gracia Romanorum rex semper augustus universis sacri Romani imperii fidelibus presentes litteras inspecturis graciam suam et omne bonum. Universitatis vestre noticie innotescat, quod nos ordinacionem seu promissionem de terra et principatu Waratislavie et Slesie, que a nobis et imperio habentur in feodum, quam illustris quondam Heinricus dux Waratislavie noster princeps cum illustri et preclaro W(enceslao) rege Bohemie filio et principe nostro carissimo, videlicet quod idem rex Bohemie in terra et principatu Waratislavie et Slesie, si ipsum Heinricum ducem premori contingeret, sibi deberet succedere, iniisse dinoscitur et fecisse, habemus ratam et gratam, eam de plenitudine potestatis regie confirmantes et dantes has litteras nostras sigillo nostro munitas in testimonium super eo.
Datum Erfordie VII.º kalendas Octobris indiccione tercia, anno domini millesimo CCLXXXX, regni vero nostri anno decimo septimo.

Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.